KQZ: Brenda 48 orëve do ta dimë fituesin e zgjedhjeve në Shqipëri

20:20 | 25 Prill 2021
M. A.

Kryetari i Komisionit Qendror Zgjedhor, Ilirjan Celibashi, ka thënë se askush nuk e di deri tani se kush i ka fituar zgjedhjet parlamentare në Shqipëri, pas përfundimit të votimit, këtë të diel.

Ai në një konferencë për media ka thënë se brenda 48 orëve do të dihet kush është fituesi i këtyre zgjedhjeve.

“Askush nuk e di kush i ka fituar zgjedhjet, çdo deklarim i bërë pa nisur procesi nuk do t’i shërbente qetësisë së nevojshme. Shpresoj që gjithë lidershipi politik të ketë koshiencën për të kuptuar se duhet krijuar kushti i punës që ky proces të përfundojë brenda 48 orëve dhe më pas të vijojmë me kandidatët”.

“Gjithë procesi do të jetë i vëzhguar, monitoruar. Dhe të gjithë regjistrimet do t’ju jepen subjekteve pasi të dalë rezultati. Duhet pak durim! Brenda 48 orëve do ta dimë fituesin”, ka thënë Celibashi.

Shpërndaje në rrjete sociale

Lajmet më të lexuara

Të ngjashme

Foto lajm